PANYAKIT URANG ANUM
Hari subuh nang dingin maulah urang asa kada
handak bangun, mambuka lawang wan mayingkai kalambu kulir apalagi handak
babuncilak, Ayam ampun Bapa RT taumpat kulir bakuciak. Kakanakan sakolah SD
banyak kulir mandi, ada jua di mandii kuitan bapaksaan.
Hawa subuh nang dingin kanyim maulah jalan asa hawai, kada tahu tahu
jadi rami kuciakan histeris lawan ampikan tangan bubuhan penuntun imbah
datang 4 sakawan bajaket batutup sampai
kamuha (oooiiii...B4 ssalah...salah.., F4..salah..salah...boy band korea jer panuntun). Imbah tutup kapala dibuka
sakalinya M. Lutfi Rahman, Erzantia Musiva, Adzkia, Ady Munahar Azza. Langsung
diam kadada tadangar suara, sakalinya dasar kadada urang disitu, nang ada
Kucing warung, Lipas, Tikus, wan Cacak ditawing manyambut.
Bubuhan
baampat ni katuju datang capat, kaya biasa bubuhannya abut lawan urusan
masing-masing. Adzkia kaya biasa mambaca buku, rancak disambat paling pintar
dikalas, mun ada soal ngalih rancak disuruh kakawanan manggawi, mungkin sasuai
arti namanya Adzkia yaitu orang-orang yang suka berpikir...ni masih kamungkinan
maybe no maybe yes...., Lutfi main bola basket, amun bibinian nang malihat
pasti katuju apalagi poninya malambai-lambai pas inya bukah ditambah muhanya
masih kaya kakanakan SMP, bubuhan Acil acil parak rumahnya kada malewatkan
mangibit pipinya, gawian Ady menempel puisi ulahannya dimading, Ady ni urangnya
pandiam diantara bubuhannya nang batiga, nang paling harat inya disambat
pujangga oleh bibinian nang katuju mambaca puisi romantisnya. Subuh ni si Erza hanyar
imbah makan , sambil babukah bukah mangurihingi Bapa Ajin nang basasapu sambil
sajoget-joget, bruuukkk...brukkkk.... asa ingat asa kada tarumpak kucing laki,
waaahhhh haratnya kucing untung kada tajajak. Jaaahhhhhhh kamana maandak muha,
tapaksa pakai jurus kaki seribu karuang
kalas, Ady nang malihat matan jauh tanganga haja malihat kucing laki bajalan
gagah ma’angkat muha lalu bakamih dihiga wadah sampah.
Ruang
kalas nang sunyi mulai rami, ada managih utang, ada babingking, ada
bakudak,main game. Langsung sunyi sanyap imbah lonceng dicatuk wan Ibu Mumun capat
masuk mangajar Matematika, wayah ngaran Erza dikiyau Ibu malihat kabibinian,
saolnya Ibu masih guru hanyar. Ngarannya Erzantia Musiva banyak manyangka
bibinian heheheeeee. Jar Abahnya ngarannya dibari Kai Abgan (Abdul Ghani).
Handap kisah masalah sakulah hari ini sanang banar, bubuhan baampat bulikan
karumah Erza handak bamalaman manggini’i sualnya Abah wan Mama tulah wadah kaluarga jauh.
***
Imbah
sembahyang isya kami manonton TV, pas rahat raramiannya Ading Erza nang bungas
bangaran Ryu datang sambil manangis.
“ooiiii, kanapa managis”, jer
Adzkia.
“Jangan pura-pura kada tahu, kada
suah kah marasa’i sakit hati”,banyu mata balilihan.
“Kanapa ? ditulak kah? diputusi
kah?”
“tahu am,
asa takariyup jantung”, Ryu sambil mamusut dada.
“Gasan napa manangis, maulah mata
bangkak, wan Aa hakun lah Ding”.
“Emmm....muyak, maulah hual
haja”.
Langsung galak tatawaan malihat Ryu
kada karuan rasa, langsung Erza wan
Lutfi mulai ma’angkat pandir basasahutan. “Wayahini kakanakan SMP dah tahu
bapacaran, sms’an pakai mamah papah” ,jer Erza sambil kukurihing. Lutfi
manyahut sambil manyuap guguduh“Hi ih bujur ngitu, masih SMP pakai mamah papah,
SMA nini ka’i, kuliah datu bini datu laki”.
“Nahh bujur jua ikam to, tapi ada
jua main dom sampai hakun talinga balanjing digantungi botol”.
“Lebih baik balajar dulu
pintar-pintar +babanyaki ba’isi kawan, Ilmu itu cahaya, bongol itu bahaya, di
bari’i duit di tukarakan tuak atau nukar bensin sagan bajajalan atau balalajuan”.
Lutfi sambil bagaya kaya pembalap. Ady nang diam mulai bapandir ...”Haaaa.....bubuhanmu
kaya kada suah kayatu, tuh aa ikam Erza
waktu SMP suah kada diterima bibinian, mun kaingatan asa handak tatawa
haja,... imbah menembak bibir mambiru, awak panas dingin, paluh kaya bigi
jagung, untung kada laip,....sakali isuknya pina bangkur mata”.
“Heh......ikam tu talalu banar Ady
ni lawan kawan, katahuan ading supan banar aku, kamana ulun ni ma’andak muha. “Mun
talalu ayu babulik, itu derita ikam, sini nah” Ady sambil mamukul burit. ” Bah
dasar tega Ady ni lawan kawan”.
“Bah....bisa waktu manangis
bamalaman nang dulu to, sualnya ulun suah malihat aa managis batukup
bantal....isuknya bantal bapulau-pulau”. Ryu sambil manahan tawa wan
batakun(sambil bagaru kapala antara bakutuan atau bakayakih) Apa garang cinta
to??
Ady nang diam matan tadi baucap
pulang, “Cinta itu banyak, ada cinta lawan kuitan, cinta lawan kaluarga, cinta
lawan ading, cinta lawan aa, cinta lawan kakawanan, cinta harta.... Tak ada
apa-apa lawan cinta to, cinta kada kawa dihilangkan tapi kawa dikendalikan
tinggal kayapa kita ma’artikannya, kami ni gen suah’ae jua marasani kayapa
pacaran termasuk Aa ikam Erza,..... cinta jangan pakai nafsu tapi perasaan.....(diam
satumat manarik hinak gasan bapuisi.
Cinta....cinta....cinta....
Ku bertanya pada bulan,,,,ku
bertanya pada bintang...(mmmmm.......kada suah nah mandangar bulan bintang
basuara)
Mereka tidak menjawab,,,yang
kulihat hanya cahayanya (silau meeeeennnnnn..........)
Aku kembali terdiam dalam
diamku.... (haahahahahahaaaa kaya ayam maharami hintalu)
Oh.....Cinta................
...............................
..............................................(sok
puitis, diam-diam malarutakan)
“Ooooiiiii rame, tepuk
kaki......suit suit tak tak” Arif langsung abut surangan.
“Mmmmm...supan ulun nah” Ady
patukup muka pakai tapih.
“Ooi...Ryu..kena haja dulu
bapacaran kadada untungnya, baik kaya kami primus (pria mushola)” Adzki bagaya
kaya tuan guru.
“Kada jua ulun macam
macam,,,samacam haja” ujar Ryu.
“Hati-hati tasalah-salah mildew”. Jer Erza
mamadahi ading nang bungas (si bungas hati). “Apa tuh mildew ???”. Ryu asa handak tahu banar. “Hamil duluan, mun
sudah kayatu kayapa ikam ba’ucap” Adzki sambil manciling-ciling. “Kada sanggaja
tacucuk” Ryu mamjawab sambil lihum-lihum. Emmm,,,,,Adzkia makin tambah gancang
makan imbah mandangar sahutan ading ulun tadi, bapadah asa hanta makan
sakalinya handak tarus.
Sunyi satumat, jer orang malaikat
lalu hehehehheheh.....
“ Siapa ngaran ading nang bungas
langkar” ujar Ady manakuni Ryu.
“ Zahra, urangnya nyaman dipandang, sandu, mun
bajalan tapusing naning pang malihatnya”
“ Umai lih ae...pantas lakiannya
tatangis, sandu tu sanang duit”
“ Emmmmm.....jua”
“ Ba ingat ingat masih SMP jalan
masih jauh, cari kawan dulu banyak-banyak, ini dulu (manating buku) hanyar
ngintu”
“ Inggih aa cantik”, Ryu
langsunng bukah kadalam kamar
“ Bapala, kanapa kah kakanak nang
saikung tu”
***
Angin
malam batampur basasahutan lalu balamah lambut
memusut daun nyiur bagamatan diumpati garimis patir guntur wan halilintar (mun
dipikrakan kaya kata-kata syahrini pank ,,,,,,) nang maundang rasa mangantuk maualah nyaman guring maikup guguling
basalimut hati (di ragap ading sayang,,,,,weleh,,,,weleh,,,)tapi amun bubuhan
nang ba’lima balum jua guringan mamandirakan kisah bahari. Panyakit
bubuhan urang anum ni banyak,panyakit nang kawa dibawa kadokter... bahingusan,
batukan lawan panyakit dalam lainnya, ada jua nang nagalih diubati misalnya panyakit kulir bin kada pa’asian, panyakit karindangan,
panyakit patah hati, panyakit cinta nang ada lawan samua urang. Sesuai kaya
lagu “hidup tanpa cinta bagai ular tak berbisa................hai begitulah
kata para REMAJA....” Aseeehhhhh ayak mank....
“Cinta tidak menyadari kedalamanya,
Sampai ada saat perpisahan.”
-Khalil Gibran-
Pandiran Bubuhannya Dipalataran